Të martën në mbrëmje do të zhvillohet edhe miqësorja vëllazërore mes Shqipërisë dhe Kosovës në Zvicër. Do të jetë një pasqyrë e bukur edhe për talentet e shumta që rriten në shtetin helvet dhe duke i ndjerë emocionet nga afër. Kjo përballje ka ngjallur shumë interes edhe tek shqiptarët që jetojnë në Europë, të cilët kanë prenotuar gjysmat e biletave tashmë.
Kombëtares shqiptare i janë bashkuar së fundmi edhe dy lojtarë nga kampionati shqiptar, dy lojtarët e Skënderbeut Gavazaj dhe Lilaj. Pasditen e sotme do të ketë edhe një seancë stërvitore, ndërsa para saj do të mbahet edhe konferenca për shtyp nga trajneri Panucci, nga i cili do të mësojmë edhe çdo të ndodhë me Lenjanin, i cili është dëmtuar së fundmi.
Sa i përket interesimit, deri mesditën e të hënës janë shituar thuajse gjysma ë biletave të stadiumit 22 mijë vendesh, ku do të luhet ditën e nesërme miqësorja me Kosovën.
