Viktima që u dogj brenda mjetit, pasi u aksidentua mbrëmjen e djeshme në tunelin Tiranë-Elbasan, është vëllai i deputetes socialiste Blerina Gjylameti. I ndjeri është Elton Maçolli, 42 vjeç, ndërsa mësohet se punonte tek Regjimenti i Farkës, ishte pilot helikopteri.
Aksidenti ndodhi mbrëmjen e djeshme, në brendësi të tunelit, ku makina e Maçollit pas një përplasjes me një maune shpërtheu në flakë.
Makina tip “Seat” ishte e pajisur me impiant gazi, dhe raportohet se pas përplasjes me maunen ka shpërthyer brenda tunelit vetëm pak metra nga dalja e tij, duke shkaktuar kështu edhe vdekjen e drejtuesit të saj.
Kjo është tragjedia e dytë në familjen e deputetes socialiste, pasi rreth një vit më parë, në muajin korrik të 2018-tës, ajo humbi të motrën e saj, pas një beteje të gjatë me një sëmundje të rëndë.
Në një vazhgim në rrejtin social të 42-vjeçarit Maçolli, vihet re dedikimi që ky i fundit ka bërë për të motrën.
“Do na mungosh motra jonë e madhe”, shkruan ai, ku shfaqet me motrat në një foto.
