Shorti i Ligës së Kombeve e vuri Shqipërinë në grup me Skocinë dhe Izraelin në Ligën C grupi 1. Ndeshjet do të zhvillohen në shtator dhe nëntor të këtij viti dhe Federata Shqiptare e Futbollit ka publikuar kalendarin që do të kenë kuqezinjtë.
Kështu kuqezinjtë do të debutojnë më 7 Shtator të këtij viti në Shqipëri, përballë Izraelit, ndërsa 3 ditë më vonë do të udhëtojnë në Skoci. Në 14 Tetor kuqezinjtë do të udhëtojnë në Izrael, ndërsa më 17 Nëntor do të luajnë ndeshjen e fundit, atë me Skocinë në Shqipëri.
Ky kalendar nuk e favorizon aspak Shqipërinë, pasi në harkun e 3 ditëve do të zhvillojë dy ndeshje. Ndeshja e parë do ta luajnë si vendas përballë Izraelit, ndërsa 3 dit më vonë detyrohen të udhëtojnë drejt Skocisë për të zhvilluar ndeshjen e dytë. Përpos faktit që është një tansfertë e vështirë, Skocia do ta ketë ndeshjen e parë dhe kjo bën që të jenë edhe më mirë fizikisht në këtë ndeshje. Kjo është pjesa negative e rënies në një grup me tre kombëtare.
Datat e ndeshjeve, janë si më poshtë:
07.09.2018 ora 20:45 Shqipëri-Izrael
10.09.2018 ora 20:45 Skoci-Shqipëri
14.10.2018 ora 20:45 Izrael-Shqipëri
17.11.2018 ora 20:45 Shqipëri-Skoci
