Pronari i hotelit në Tushemisht, Jetmir Muçllari, ku u regjistruan të shtëna me breshëri mëngjesin e sotëm, ka qenë në shënjestrën e një tjetër atentati në datë 1 gusht.
ABC News ka siguruar pamjet e filmuara nga kamerat e sigurisë së hotelit. Pamjet kanë fiksuar dy persona që qëllojnë e armë jashtë ambienteve të hotelit. Më pas ata largohen nga vendi i ngjarjes me një motor.
Ngjarja në fjalë ka ndodhur para një jave por nuk është bërë publike. Dyshohet se të njëjtët persona të kenë kryer edhe atentatin e ndodhur mëngjesin e sotëm.
Në shënjestër të autorëve mendohet të ketë qenë djali i pronarit, Jetmir Muçllari. Plumbat kanë kapur disa automjete luksoze të disa pushueseve, që kanë qenë të parkuara në parkingun e këtij hoteli.
Muçollari dyshohet të ketë pasur konflikte më herët, pasi një vit më parë atij i kanë grabitur një makinë.
