Pasditen e sotme, në Portin e Durrësit janë sekuestruar 7.25 kg lëndë narkotike, e dyshuar kokainë. Në kuadër të operacionit policor të koduar ”Rada”, Task Forca e përbërë nga Policia Kufitare, ka ushtruar kontroll në disa nga konetjnerët e kompanisë “Alba Exotic Fruit”. Nga kontrolli i imtësishëm, në njërën prej kontejnerëve u zbulua lënda narkotike.
”Vijon operacioni policor i koduar “Rada”, për goditjen e veprimtarisë kriminale në fushën trafikimit të lëndëve narkotike. Sekuestrohet një tjetër sasi lëndë narkotike kokaine, në kontenierët për llogari kompanisë “Alba Exotic Fruit”. Gjatë kontrollit të imtësishëm të ushtruar nga Task Forca permanente që vepron në Portin e Durrësit në disa kontenierë për llogari të kompanisë “Alba Exotic Fruit”, u gjet dhe u sekuestrua 7.25 kilogramë lëndë narkotike e dyshuar kokainë.”, thuhet ndër të tjera në njoftimin e policisë.
Njoftimi i plotë
Port, Durrës
Vijon operacioni policor i koduar “Rada”, për goditjen e veprimtarisë kriminale në fushën trafikimit të lëndëve narkotike. Sekuestrohet një tjetër sasi lëndë narkotike kokaine, në kontenierët për llogari kompanisë “Alba Exotic Fruit”.
Në vijim të operacionit “Rada” të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, Strukturat Hetimore të Drejtorisë Vendore të Policisë Durrës dhe autoritetet doganore të Portit u gjetën dhe u sekuestruan 11 kg e 675 gr. lëndë narkotike kokainë, e duke vijuar përsëri në datën 23.07.2021, ku u gjetën dhe sekuestruan 6.5 kilogramë të tjera lëndë narkotike kokainë, mbaditen e sotme si rezultat i veprimeve hetimore, është bërë e mundur gjetja dhe sekuestrimi i një tjetër sasie lëndë narkotike kokainë.
Gjatë kontrollit të imtësishëm të ushtruar nga Task Forca permanente që vepron në Portin e Durrësit në disa kontenierë për llogari të kompanisë “Alba Exotic Fruit”, u gjet dhe u sekuestrua 7.25 kilogramë lëndë narkotike e dyshuar kokainë.
Taks Forca permanente që operon në Portin e Durrësit vijon veprimet hetimore për dokumentinin e plotë të veprimtarisë kriminale të trafikimit të kokainës.
Kokainë në kontejnerët “Alba Exotic Fruit”, edhe tre herë të tjera
Autoritetet policore kanë zbuluar kokainë edhe tre herë të tjera, të fshehur në në kontejnerët “Alba Exotic Fruit”. Vetëm pak ditë më parë, konkretisht më 23 korrik, u zbuluan nga kontrolli i imtësishëm, në njërën prej kontejnerëve u zbuluan 6.5 kg kokainë.
Ndërkohë, më 13 korrik, u ushtrua sërish kontroll në kontejnerë, nga ku u sekuestruan 11 kg e 675 gr kokainë. Për këtë rast, u arrestua në flagrancë menaxheri i firmës, si dhe administratori.
Në vitin 2019, u realizua një megaoperacion në portin e Pireut në Greqi. Në kontejnerët e kësaj kompanie, u zbulua një sasi e madhe prej 137 kg kokainë, e cila vinte nga Ekuadori. Kjo kompani është me seli në Kombinat, Tiranë, dhe operon në treg që nga viti 2011, ndërsa pronarë të saj janë Eduart Dauti dhe Barjon Gumeni.
