Një ngjarje e rëndë ka ndodhur në orët e para të ditës së sotme. Një 30 vjeçar ka humbur jetën si pasoje e një aksidenti të rëndë automobilistik. Ngjarja ka ndodhur në aksion Plepa-Shkozet. Mësohet se viktima është Erion Beli.
Nga deklarata e policisë mësohet se Beli ka qenë i shoqëruar me të vëllain në makinë në momentin e ngjarjes. i ri ka humbur kontrollin e mjetit “Renault Clio” dhe është përplasur me trafik ndarësen, çka ka rezultuar fatale për të.
Fatmirësisht, vëllai i tij ka shpëtuar pa lëndime. Dy vëllezerit kanë qenë duke folur në telefon me kamera në momentin që ka ndodhur ngjarja.
I riu nga Kavaja kishte vetëm pak kohë që ishte kthyer nga Italia, pasi jetonte me familjen atje, ndërsa punonte si këngëtar në lokale nate.
“Më datë 01.11.2019, rreth orës 00:20, në aksin rrugor Plepa-Shkozet, Durrës, mjeti tip ”Renault”, ka humbur kontrollin dhe është përplasur me trafikndarësen, dhe për pasojë ka humbur jetën drejtuesi mjetit shtetasi E.B., 30 vjeç, banues në Kavajë. Grupi hetimor po vijon punën për përcaktimin e shkakut të aksidentit”, thuhet në njoftimin e policisë.
