Kalimi i Idrizit drejt opozitës është mirëpritur nga aleatët historikë të Partisë Demokratike, për sa kohë armiku i përbashkët, thonë ata, është Edi Rama. Nga Vlora, kreu i PDIU, Shpëtim Idrizi, nuk nguroi që të jepte një mesazh të fortë ndaj kreut të PBDNJ, Vangjel Dule, të cilit nuk i pëlqeu ideja e afrimit të PDIU me opozitën.
Ai tha se bashkimi me opozitën, vjen si një vlerë e shtuar. Në takim u vu re mungesa e kreut të PBDNJ-së, Vangjel Dule, që për të dytën herë duket se nuk gjen vend në një koalicion, për shkak të ardhjes së Idrizit.
“Nuk kemi ardhur këtu për të zhvendour kënd, por kemi ardhur si vlerë e shtuar. Ne jemi në habitatin tonë’, tha Idrizi, teksa theksoi se vëmendja e opozitës duhet të përqëndrohet te rrëzimi i qeverisë.
Duke hedhur akuza mbi mazhorancën, ai tha se opozita e fortë do të ndryshojë klimën e rënduar në vendin tonë.
“Kjo mazhoracë prej 5 vjetësh është jo vetëm e konsumuar dhe e lodhur, por e ka çuar Shqipërinë në drejtim të paditur”, tha Idrizi.
https://tiranatoday.com/idrizi-opozita-numerikisht-eshte-ne-mazhorance-dashamir-shehi-duhet-te-perzeme-ramen/
