Kreu i Partisë Agrare Ambientaliste tha sot që jep se ishte i gatshëm të jepte gjithçka vetëm që Ben Blushi të rikthehej në politikë. I ftuar në rubrikën “Opinion” në “News24”, Duka u shpreh se i vinte keq për dorëheqjen e Ben Blushit nga drejtimi i LIBRA-s. Ai thotë se Blushi nuk duhet t’i mungojë skenës politike të vendit. Kreu u PAA-së thotë i bindur se “ky nuk do jetë largimi përfundimtar i Ben Blushit nga politika”.
“Më vjen keq që Ben Blushi u dorëhoq nga LIBRA. Do doja që Blushi të ishte në skenën politike. Nuk besoj se ky do jetë largimi i tij përfundimtar nga politika. Do isha i gatshëm t’i bëja çdo lloj oferte politike, vetëm që të ishte në skenën politike të vendit. E them këtë, pasi për momentin secili kërkon të ketë një lloj përfitimi për veten, por nuk duhet të ndodhë kështu. Njerëzit si niveli i Blushit duhet të jenë në politikë. Dhe unë besoj se do jetë sërish në politikë, pasi është një nga njerëzit që do të na japë inspirimin për polin e tretë në politikën shqiptare”, Duka.
Kujtojmë se Duka dhe Blushi ishin takuar kohë më parë në një drekë së bashku me partitë e tjera të vogla dhe ne atë kohë u fol për një pol të tretë. Në mbledhje morën pjesë; kryetar i LZHK-së, Dashamir Shehi, kryetari i FRD Bamir Topi, atë të LIBRA-s, Ben Blushin, kryetarin e PDK, Nard Ndoka dhe atë të PBDNJ Vangjel Dule (lajmin e plotë lexoje këtu).
Në atë kohë Duka Shkruan se ata u mblodhën për një bilanc të vitit që po mbyllet, por folëm edhe për çfarë na pret në 2018.
