Ministrja e Shëndetësisë, Ogerta Manastirliu ka dalë në një deklaratë për mediat, duke bërë me dije lehtësimet që do të vijnë nga 1 qershori.
Ministrja bën me dije se nga 1 qershori do të hapen disa biznese që nuk janë hapur ende nga situata e koronavirusit.
Ndërsa edhe kjo fundjavë do të jetë e lirë për lokalet dhe plazhet. Gjithashtu ministrja bën me dije se dalja nga zona e kuqe do të jetë e ndaluar deri të hënën.
“Kjo fundjavë do të jetë e lirë për qytetarët dhe bizneset hapur, përfshirë edhe lokalet (jashtë) apo plazhet vetëm për banorët e qyteteve bregdetare, ndërsa dalja nga zonat e kuqe e ndaluar deri të hënën”, shkruan ajo në Facebook.
