Federata Shqiptare e Futbollit ka organizuar sot një mbledhje me të gjithë presidentët e Superiores.
Mbledhja ka nisur rreth orës 11:00. Presidenti i FSHF-së, Armand Duka do t’i njohë të dhjetë presidentët e elitës së futbollit shqiptar, me protokollin sanitar final që i kanë paraqitur Ministrisë së Shëndetësisë.
Gjatë kësaj mbledhjeje do të diskutohet edhe për rifillimin e sezonit dhe kushtet që klubet duhet të plotësojnë, për të siguruar shëndetin e të gjithë aktorëve.
Më 18 maj do të mund të rifillojnë stërvitjet individuale, ndërsa nuk ka ende një vendim se kur do të rinisin stërvitjet kolektive.
Mirëpo rinisja e stërvitjes në këtë datë mund të vërë në dyshim përfundimin e sezonit.
