Administrata e kryeqytetit francez do të heqë të gjithë drynat e dashurisë të vendosur në ura të ndryshme mbi lumin Senne.
Por, çfarë do të bëhet me to? Është vendosur që këta dryna të nxirren në ankand më 13 maj. Kështu, të ardhurat që do të mblidhen nga shitja e tyre, do të përdoren për t’u ardhur në ndihmë refugjatëve që ndodhen në Paris.
Operacioni i heqjes së drynave do të zhvillohet nga Bashkia, e cila do të mbledhë plot 65 ton të “çelësave të dashurisë”.
Kjo iniciativë u ndërmor pasi drynat e shumtë kishin filluar të krijonin probleme në strukturat e urave duke sjellë edhe rreziqe për kalimtarët.
