Disa pako të mbushura me lëndë narkotike të llojit marijuanë kanë dalë sot në bregdet në plazhet e Montesilvano, Francavilla al Mare dhe Silvi, në Itali.
Mediat italiane raportojnë se sasia e lëndës narkotike i kalon 100 kilogramë, ndërsa dyshohet se origjina e drogës është nga Shqipëria.
Mendohet se destinacion ishte Abruzzo, ndërsa nuk dihet se si kanë përfunduar në breg pakot me drogë: nëse janë lënë qëllimisht, apo ndonjë anije/skaf ka humbur ngarkesën gjatë tentativës për ta trafikuar.
Policia ka nisur hetimet, si dhe dyshohet se vlera e drogës i kalon 350 mijë euro.
