Arrestimi i shqiptarëve në Greqi nuk ka të ndalur. Policia helene ka vënë në pranga një 35-vjeçar shqiptar, i cili po transportonte drogë.
Fillimisht shqiptari është ndaluar në rrugë, por policia ka vijuar më pas kontrollin në banesën e tij. Pas një kontrolli rutinë, shqiptarit iu gjet lëndë narkotike kanabis dhe një telefon celular, të cilin e përdorte për aktivitetin e jashtëligjshëm.
Në operacionin e kryer në Selanik, autoritetet helene gjetën dhe sekuestruan 19 gram kokainë, 14 kg marijuanë, 2 peshore, 980 euro para cash në banesën e tij në qendrën e qytetit, në zonën e njohur si Sykeon.
Policia vijon punën për dokumentimin e plotë të këtij rasti, ndërsa janë ngritur dyshime se mund të jenë edhe persona të tjerë të përfshirë në trafikun e lëndëve narkotike.
