Presidenti i Francës, Emanuel Macron, ka thënë se më e keqja e pandemisë së koronavirusit ka mbaruar.
Në një deklaratë për mediat, ai ashtë shprehur se në Francë do të lehtësohen masat kufizuese për parandalimin e Covid-19.
Franca do të fillojë të lehtësojë masat e karantinës këtë fundjavë në mënyrë që deri në Krishtlindje, dyqanet, teatrot dhe kinematë të rihapen dhe njerëzit të jenë në gjendje të kalojnë pushimet me pjesën tjetër të familjes së tyre.
“Përpjekjet e të gjithë neve janë shpërblyer. Ne kemi ngadalësuar qarkullimin e koronavirusit, por ai mbetet shumë real në Francë dhe në të gjithë hemisferën veriore. Ne duhet të vazhdojmë përpjekjet tona. Ne do të vazhdojmë të qëndrojmë në shtëpi, do të vazhdojmë të punojmë nga shtëpia ku është e mundur, do të shmangim takimet, mbledhjet familjare dhe udhëtimet e panevojshme.”, tha presidenti francez.
