Ish-ministri teknik i Brendshëm, ka reaguar me anë të një statusi në rrjetet sociale, pasi u propozua si një nga 8 kandidaturat për t’u bërë President i Shqipërisë. Dritan Demiraj pranon që të bëhet pjesë e garës nëse do të formalizohet.
Ja se çfarë shkruan ai
Te nderuar miq!
Deshiroj te falenderoj dhe te shpreh mirenjohjen ndaj deputetit te Devollit z. Bledian Nallbati per propozimin per President te Republikes, por ne te njejten kohe edhe deputetet e tjere te grupit parlamentar te Partise Demokratike per mbeshtetjen e emrit tim.
Ne te njejten kohe shpreh mirenjohjen dhe perkushtimin maksimal t’ju perfaqesoj me dinjitet ne kete gare kaq te rendesishme per kreun e shtetit Shqiptar ne rast se do te kem mbeshtetjen Tuaj.
Përshkrim i shkurtër
Dritan Demiraj ka sherbyer si Ministër i Brendshëm në vitin 2017. Ai u shqua në këtë detyrë, pasi në kohën që drejtoi Ministrinë e Brendshme, Policia e Shtetit ishte e përfshirë në kanabizimin e vendit dhe trafikun e drogës me përfshirjen aktive të drejtuesve të policisë dhe MB, gjë që ishte bërë problem shumë i madh nderkombetar.
Dritan Demiraj është ushtaraku më i vleresuar nga ndërkombetarët dhe më i dekoruar në ushtri me mbi 55 medalje. Ai nga viti 2007-2013 drejtoi Forcat Speciale dhe Komando i krijoi, ristrukturoi sipas struktures së NATO-s, i modernizoi dhe pajisi me pajisjet më moderne të kohës. Ai njihet si “babai”, udhëheqësi i parë luftarak në terren dhe trajnues i misioneve “Eagle” (nga 1-7), pedagog, autor i 40 librave, doktrinave, manualeve, enciklopedive dhe i mbi 200 artikujve, shkrimeve dhe kumtesave.
Dritan Demiraj është Doktor i Shkencave ne fushën e Marrëdhënieve Ndërkombetare (Sigurine dhe Kunderterrorizmin) nga Universiteti Europian i Tiranës dhe Doktor i Shkencave për Sigurine Kombetare nga Universiteti i Paqes Globale i Kombeve të Bashkuara në New York. Koloneli Dritan Demiraj, është dekoruar me medaljet presidenciale “Nderi i Kombit”, “Mjeshtër i Madh”, “Medalja e Arte te Shqiponjës”, “Ushtaraku më i mirë i 100 vjetorit të Pavaresisë” gjithashtu dhe dekoratën më të lartë sportive nga Organizata Boterore Ushtarake CISM “Grand Knight” si një nga ish sportistet dhe trajnerët më të mirë të ushtrisë shqiptare, dekoratën “Gjenerali i Paqes Dwight D. Eisenhower” nga Kombet e Bashkuara dhe shumë të tjera nga SHBA-të dhe NATO, dhe shumë dekorata të tjera nga SHBA-të dhe qeveria shqiptare.