Për shkak të humbjes së kontrollit nga ana e drejtuesit, një mjet ka rënë nga një lartësi dhe ka përfunduar në det.
Aksidenti, fatmirësisht pa të lënduar ka ndodhur në Himarë. Një automjet tip “Ford” me targa AA 114 KG, pasi ka dalë nga rruga, ka përfunduar në det.
Automjeti është fundosur në ujë pranë zonës së Portit të Himarës, e ndërsa drejtuesi i automjetit ka mundur të dalë me shpejtësi nga makina.
Burimet nga ana e policisë shtojnë se mjeti në fjalë është nxjerrë nga deti, disa orë pas aksidentit.
