Drejtori ekzekutiv i Apple nuk është shfaqur shumë entuziast për realitetin virtual. Tim Cook tha se kjo teknologji izolonte përdoruesit. Ai shprehu preferencat e tij për realitetin e mbivendosur.
Realiteti i mbivendosur përfshin përzierjen e grafikeve dhe pikëpamjet e botës reale duke i shtuar pamjes së personit imazhet kompjuterike.
Një ekspert deklaroi se pikëpamja e Cook ishte duke u popullarizuar në sferën e teknologjisë.
Tim Cook shprehu mendimin e tij në një aktivitetet të organizuar në Universitetin e Oksfordit, duke iu përgjigjur pyetjes së një studenti.
“Unë jam i emocionuar nga teknologjia e realitetit të mbivendosur, mendoj se kjo teknologji gjen përdorim kudo. Kjo teknologji përdoret në arsim, te konsumatorët, në argëtim, në sport, në çdo biznes. Më pëlqen fakti që ajo nuk izolon idetë e reja,” u përgjigj Tim Cook.
Sistemi i fundit i Apple-it – iOS 11, e ka bërë më të lehtë përditësimin e aplikacionit nëpërmjet një sërë mjetesh që janë prezantuar së fundmi.
Apple ka realizuar dizenjimin e syzeve që do shohin realitetin e mbivendosur. Por Cook ka deklaruar në një intervistë të mëparshme se teknologjia e aplikuar në to nuk ishte e përshtatshme për tu prezantuar në mënyrë të kënaqshme te publiku. /Tirana Today/
