Ish-kryeministri Berisha tashmë e ka kthyer në trend publikimin e mesazheve, ku pas fshihet qytetari digjital. Në shumë raste ka dalë blof, pasi qytetarët ia kanë demostruar me fakte se pas qëndron një mashtrim.
E po kështu, nuk kanë munguar edhe rastet kur një lajm bëhet mediatik dhe nuk ka asgjë të vërtetë në të. Berisha zgjedh që ta fshijë nga faqja e tij zyrtare në Facebook.
Dështimi i tij i radhës i përket ditës së sotme, ku bashkëngjitur një fotoje, ish-kryeministri Berisha ka shkruar: “Gjush te kemi fort xhan! Krah per krah me Ismail Bej Vloren! Gjush te vdekurit me te, ne te gjallet me ty! Rrofsh!”.
Me anë të kësaj fotoje, ai pretendon që është në zyrën e drejtorit të Portit të Durrësit. Për këtë lajm të rremë të ish-kryeministrit, ka reaguar vetë drejtori i Portit, Pirro Vengu.
Ky i fundit ka publikuar në rrjetin social Instagram një foto të tijën nga zyra, ku në sfond nuk duket foto që pretendon ‘doktori’, por foto e Ismail Qemalit.
