Suida Kuka, drejtoreshë e Operatorit të Kujdesit Shëndetësor në Shkodër, i shpëtoi një atentati të organizuar kundrejt saj, pasi i kishin vendosur eksploziv me telekomandë në gomën e parë të makinës.
Ajo ka konstatuar pakon e çuditshme, e cila ishte mbështjellë me një letër të verdhë dhe të kuqe dhe ka njoftuar menjëherë policinë. Policia ka bërë rrethimin e zonës dhe evakuimin e banorëve.
Lënda plasëse, më pas është shpërthyer nga forcat xheniere. Në dëshminë e dhënë në polici, ka deklaruar se nuk ka konflikte me persona të tjerë dhe se nuk ka marrë kërcënime në lidhje me detyrën apo me jetën e saj personale.
“Nuk kam asnjë konflikt me askënd”, është shprehur Suida Kuka para oficerëve të policisë, duke mohuar kështu faktin se ka pasur ndonjë konflikt. Lënda plasëse ishte vendosur poshtë mjetit “Range Rover” të drejtoreshës.
Njoftimi i policisë
“Rreth orës 16:00, jemi njoftuar se në lagjen “Vojo Kushi” Shkodër, në anë të rrugës, është konstatuar një pako, brenda së cilës, nuk dihet ende, se çfarë materiali/esh ka. Shërbimet e Policisë kanë vendosur perimetrin e sigurisë në vendngjarje dhe po verifikojnë rastin. Janë njoftuar forcat xheniere, për të kryer veprimet e mëtejshme”.
