Aktorja e njohur në “Portokalli”, e cila mori famë si ‘Drejtoresha e Tatimeve’ vite më parë, Delinda Disha ka shpërthyer në lot pasditen e djeshme teksa ka qenë e ftuar në studion e Rudina Magjistarit. Ka mjaftuar një videomesazh nga ana e bashkëshortit, që ajo të mos përballonte dot emocionet, duke ditur që ai është një person që daljet i ka të rralla.
Një ditë plot surpriza për Delindën, por më emocionuesja ishte pjesa në të cilën bashkëshorti i saj, Eldoni ka rrëfyer me fjalë zemre dashurinë për aktoren e humorit.
“Doja të thoja disa fjalë për Delin dhe Dasantinin. Dasantini është produkt i dashurisë sonë. Jam shumë i lumtur që kemi këtë familje, e kemi të gjallë, me shumë dashuri, me shumë lumturi brenda… Deli është një mami e devotshme, eshtë një mami e mrekullueshme, jemi me fat që kemi gjetur njëri-tjetrin… Ju dua shumë!”, është shprehur bashkëshorti i aktores, Eldoni.
