Tre persona janë arrestuar në kushtet e flagrancës nga policia e Vlorës.
Shtetasi K. B., 43 vjeç , po udhëtonte me një taksi nga Llakatundi në drejtim të Vlorës dhe kishte armë zjarri me vete.
Në vijim të këtyre veprimeve u bë arrestimi për “Moskallëzim krimi”, i shtetasve D. B., 34 vjeç dhe K. M., 28 vjeç, banues në Vlorë, të cilët udhëtonin së bashku me shtetasin që posedonte armën e zjarrit.
” Nga forcat e posaçme “Shqiponjat”, iu gjet dhe sekuestrua në cilësinë e provës materiale 1 armë zjarri kallashnikov dhe një sasi municioni luftarak. Këta shtetas janë me precedent kriminal të mëparshëm në fushën e narkotikëve, shfrytëzimit të prostitucionit dhe atë të vjedhjes. Ata kishin marrë një mjet taksi dhe ishin nisur në drejtim të qytetit të Vlorës’‘, informon policia.
Nga strukturat hetimore të DVP Vlorë, nën drejtimin e Prokurorisë, vijon puna intensive për zbardhjen e qëllimit që kishte personi që qarkullonte me armë zjarri me vete.
Materialet procedurale iu referuan Prokurorisë, për veprime të mëtejshme.
