Nga: Sonja Peteranderl &Alessio Mamo “Der Spiegel“
Ata nuk po luajnë lojën “polici dhe hajduti”.Përkundrazi, në dramën që ka përfshirë fëmijët e familjeve emigrante të bllokuar në Bosnjë-Hercegovinë, disa nga fëmijët janë refugjatë ndërsa të tjerët janë pjesëtarë të policisë kufitare, që përpiqen vazhdimisht që t’i godasin.
Kjo skemë është vetëm një reflektim i asaj që ndodh çdo ditë, ndërsa azilkërkuesit përpiqen.
Që të kalojnë kufirin me Kroacinë dhe Bashkimin Evropian – një lojën e përditshme e maces me miun, të cilën emigrantët thjesht e quajnë “lojë”.
Gjithsesi, shumica prej tyre ndalohen në këtë përpjekje shpesh me dhunë dhe të detyruar të kthehen në Bosnjë-Hercegovinë – me fëmijët që shpesh duhet të qëndrojnë pranë dhe të jenë dëshmitarë se si prindërit e tyre grabiten, rrihen dhe poshtërohen, ose janë vetë viktima të dhunës.
Policia kufitare kroate “ka përdorur forcën, duke i goditur njerëzit me grushte dhe shkelma”, sipas një raporti të Human Rights Watch mbi shkeljet sistematike të të drejtave të njeriut. “Dhuna është përdorur edhe ndaj grave dhe fëmijëve”- vazhdon raporti.
Raporti vë gjithashtu në dukje se emigrantët që gjurmohen nga rojet kufitare, nuk rikthehen mbrapsht në zonat pranë vendkalimeve kufitare, por në rajone të largëta dhe“në disa raste janë të detyruar të kalojnë nëpër lumenjtë në ujin e acartë”.
Organizatat e të drejtave të njeriut në të gjithë botën, i kanë cilësuar prej vitesh këto rikthime si të paligjshme. Aktualisht, zyrtarët e agjencisë së mbrojtjes së kufirit të Bashkimit Evropian Frontex janë nën hetim në lidhje me dëbime të tilla.
Gjithsesi, kjo praktikë shumë e diskutueshme vazhdon, duke iu mohuar kështu emigrantëve mundësinë e paraqitjes së kërkesave për azil për në Bashkimin Evropian. Këshilli danez për Refugjatët (DRC), ka dokumentuar 16.000 kthime të paligjshme të kryera nga rojet kufitare kroate vetëm në vitin 2020, përfshirë 800 incidente që përfshijnë dhe fëmijë.
“Në krahasim me muajt e mëparshëm, shkalla e grave dhe fëmijëve që raportojnë rikthimin e tyre është gjithashtu në rritje”- vë në dukje një raport i nëntorit 2020. Që kur Bashkimi Evropian mbylli të ashtuquajturën“Rruga Ballkanike”, gjithnjë e më shumë emigrantë kanë gjetur një shteg tjetër drejt Evropës që në fakt po mbaron në Bosnjë-Hercegovinë, duke përfshirë në këtë dramë shumë familje.
Gjatë muajve të këtij dimri, situata e tyre është përkeqësuar ndjeshëm, sidomos pas mbylljes së disa kampeve për refugjatë. Për shembull në dhjetor 2020, Organizata Ndërkombëtare për Migracionin (IOM),e spastroi qendrën e pritjes Lipa pranë Bihaçit,pasi aty nuk kishte as ujë të rrjedhshëm dhe as energji elektrike.
Por nuk pati asnjë strehimore zëvendësuese, duke lënë kësisoj mbi 1.300 njerëz pa asnjë çati mbi krye. IOM vlerëson se aktualisht në Bosnjë-Hercegovinë ndodhen 9.000-10.000 emigrantë, me rreth 3.000 njerëz që jetojnë me çadra nëpër pyll në temperatura nën zero gradë pa ujë dhe energji elektrike. Ai nuk është një vend i këndshëm për të qëndruar, ndaj njerëzit vazhdojnë të përpiqen dëshpërim që ta kalojnë kufirin.
Burimi i lajmit: https://www.spiegel.de/international/world/illegal-pushbacks-children-caught-in-the-game-on-the-croatian-border-a-9f55bb77-2402-42ca-808d-c258a3bdb809
Përshtatur nga TIRANA TODAY
