Gjithçka mbetet e hapur për kampionin e botës së MotoGP edhe pse shpresat për të ndodhur mrekullia për italianin janë të pakta. Andrea Dovizioso do të tentojë të triumfojë, por këtë herë nuk është vetëm fitorja ajo që sjell titullin. Formula është e vështirë në garën e Valencias, ku Marc Marquez do ti duhet të fitojë jo më shumë se 5 pikë për të arkëtuar titullin e katërt të klasit mbretërorë.
” Nëse nuk e fitoj titullin do të riprovoj në 2018-n, sezoni ka qenë fantastik për mua, e rëndësishme është që kemi bërë shumë hapa të mëdhenj përpara”, deklaroi Andrea Dovizioso.
Diferenca mes Dovizioso dhe Marquez është 21 pikë, kur në lojë ka mbetur vetëm një garë për tu zhvilluar, ajo e Valencias që në vetvete ka vetëm 25 pikë. Kjo do të thotë që shanset që ka italiani për të fituar është vetëm nëse ai triumfon dhe Marquez të mos marrë më shumë se 4 pikë.
