Shefi i diplomacisë greke, Nikos Kotzias ka mbërritur në qytetin e Korçës, ku pritet të diskutohen çështje sensitive me homologun shqiptar Ditmir Bushati. Ministri i Jashtëm i Greqisë, Kotzias do të qëndrojë në Shqipëri për 3 ditë, një takim që pason atë të Kretës i mbajtur në nëntor të 2017. Në takimin e sotëm priten që të marrin trajtën e diskutimeve dosjet e vjetra.
Për të garantuar këtë takim mjaft të rëndësishëm, janë marrë masa të rrepta si shenjë garancia për delegacionin që shoqëron ministrin e Jashtëm të Greqisë. Pikat e diskutimet dhe çështjet e këtij takimi mësohet të jenë, ligji i luftës, varrezat, çështja çame, kufiri detar, por edhe dosje të tjera më tematikë në lidhje me hapjen e negociatave me BE.
Në takimin e Kretës, vetë Kotzias raportoi se ligji i luftës duhet hequr, ndërsa theksoi se ai është një budallallëk. Gjithashtu pjesë e diskutimeve Kotzias-Bushati, ishte çështja detare, por nuk u raportua në themel se për çfarë kanë diskutuar dy homologët.
