Të tjera detaje nga dosja “Habilaj” vërtetojnë skandalin me radarët.
Nga përgjimet e realizuara nga policia italiane, rezulton se Habilaj kontrollonte radarët e ushtrisë në Durrës, gjë që e kryente nëpërmjet një personi të tij të angazhuar pranë shërbimit të radarëve, i cili i jepte direktiva.
Kështu, përgjimet nxjerrin zbuluar qeverinë, Ministrinë e Mbrojtjes dhe atë të Brendshme.
Në një moment, Habilaj i tregon trafikantëve italianë se ai ka në dorë edhe punonjësit e policisë: “Kam njeriun tim në sallën e radarëve”, i drejtohet Habilaj trafikantëve të tjera. “I patë policët? Janë tanët”, vijon një tjetër përgjim i Habilajt.
Mosfunksionimi i radarëve është denoncuar disa herë, si nga PD, ashtu edhe LSI, por edhe nga ish-ministri i Brendshëm teknik, Dritan Demiraj.
Ky i fundit ka reaguar sërish sot lidhur me këtë skandal, teksa shkruan në një postim në Facebook se kjo histori fillon në muajin Tetor 2013 me tenderin e mirëmbajtjes së radarëve, ndërsa paralajmëron se fajtorët do të përgjigjen shumë shpejt para ligjit.
POSTIMI I DEMIRAJT:
Te nderuar miq!
Prej tre vitesh, ne detyra te ndryshme edhe si Minister I Brendshem kam denoncuar me fakte veprimtarine korruptive dhe kriminale me qendren e radareve dhe bashkepunimin e trafikanteve. Ne shume raste operacionet policore, nen drejtimin e tim, perfundonin pa rezultat per shkak te fikjes se radareve ne QNOD. Pergjigjet e klanit Habilaj njoftojne se ata kane pasur njerezit e tyre ne institucione. E verteta do te dale se shpejti ne drite te diellit dhe do te verboi politiken e korruptuar.
Kjo histori fillon me ne muajin Tetor 2013 me tenderin e mirembajtjes se radareve, moskryerjen e sherbimeve ne to, firmosjen e tenderave korruptive nga komandantet e Forcave Detare (nen drejtimin Sekretarit te pergjithshem te ministrise se Mbrojtjes ) gje qe coi ne ngritjen e autostrades se droges ne Adriatik.
Ne cilesine dhe pergjegjesine e shtetarit, kam ndare cdo shqetesim dhe informacion me partneret strategjike te vendit ne menyre qe te parandalonim nje dite kete skandal.
E verteta e skandaleve ne Policine e Shtetit, atyre qe drejtuan dhe mundesuan trafikun e droges, korrupsionit dhe lidershipit te Ministrise se Mbrojtjes do te dale se shpejti dhe fajtoret do te pergjigjen para ligjit. DD.
