Kryeministri Rama i është shmangur seancës së sotme plenare në Kuvend, vetëm një ditë pasi “Zëri i Amerikës” publikoi dokumente nga dosja e Prokurorisë, ku faktoheshin blerjet e votave nga Partia Socialiste në Durrës, Kavajë, Lezhë dhe Dibër.
Pavarësisht kërkesës së Bashës që Rama të ishte i pranishëm në seancë, kreu i qeverisë mungoi, e ndërsa fjalën e mori ministrja e Financave, Anila Denaj.
Kaq mjaftoi që deputetët e PD të mblidheshin përpara foltores, duke kërkuar ndërprerjen e seancës deri në mbërritjen e Ramës.
