Gazetarja Klodiana Lala ka bërë një deklaratë të fortë në lidhje me dosjen 339, e njëjta dosje ku përmendet dhe kryebashkiaku i Durrësit, Vangjush Dako. Në emisionin “Opinion”, ajo ka pohuar se Prokuroria ka përgjuar shumë persona për llogari të hetimeve të kësaj dosje.
Jo vetëm kaq, por përgjimet shkojnë deri te zyrtarë e lartë të Kryeministrisë, duke pohuar se një pjesë të kësaj dosje e ka lexuar vetë.
“Dosja 339, aty ku është i përfshirë edhe kryetari i Bashkisë së Durrësit, e cila është një dosje me 17 fashikuj, dhe unë kam lexuar një pjesë të saj. Aty kupton se sa shumë zyrtarë të lartë të të gjitha niveleve janë përgjuar. Duke filluar nga politika, administrata të niveleve të ndryshme, bota e sportit… shkon deri tek zyrtarë të Kryeministrisë”, deklaroi Klodiana Lala.
