Kandidati për deputet i PSD-së në Shkodër, Tom Doshi ka shpërthyer ndaj ministrit të Jashtëm, Ditmir Bushatit, i cili kryeson listën e PS-së.
Doshi akuzon se Bushati është futur në një qendër votimi te shkolla “Edit Durham”, në lagjen Mark Lula duke kërcënuar vëzhguesin e PSD-së, Gjergj Sokoli.
Gjithashtu, Tom Doshi i bën thirrje sot Prokurorisë që të procedojë penalisht ministrin e Jashtëm Ditmir Bushati.
“Ditmir Bushati ka dalë në të gjitha qendrat e votimit dhe kërcënon vëzhguesit e PSD-së. Është kërcënuar Gjergj Sokoli. Kështu po bën Bushati në çdo qendër votimit. i bëjmë thirrje prokurorisë të nisë procedimin penal ndaj Bushatit. i bëj thirrje të gjithë votuesve të dalin e të votojnë. i bëj thirrje të ruajnë qetësinë sepse rezultati do të jetë i thellë. Ky është shqetësimi i Ditmirit”, tha Doshi në një deklaratë për mediat.
