Në datën 4 korrik, Gjykata e Tiranës shpalli të pafajshëm deputetin Tom Doshi, i cili në 2015-ën deklaroi se i kishin organizuar një atentat.
Ndonëse mori pafajësinë, ky vendim nuk është pranuar nga organi i akuzës për Tom Doshin. Është Prokuroria e Tiranës e cila ka bërë ankimimin, pasi sipas saj, vendimi i gjykatës nuk është i drejtë. Tom Doshi duhet të dënohet për “kallëzim të rremë”, dhe të dënohet si Mark Frroku dhe Durim Bami.
Pavarësisht kësaj mase, Frroku nuk do të shkojë në burg, ndërsa për 1 vit dhe 4 muaj do të jetë në dispozicion për shërbim prove. Sakaq, edhe Bami duke qenë se ka qenë për një periudhë në burg dhe “arrest shtëpie”, e ka shlyer dënimin e tij.
Të tre akuzohen për “kallëzim të rremë” për “atentatin” e supozuar ndaj deputetit Tom Doshi. Çështja bëri bujë në vitin 2015, kur deputeti Tom Doshi tha publikisht se kishte zbuluar një atentat që do të bëhej ndaj tij.
