Bayern Munich ka rigjetur formën më të mirë nën drejtimin e Heynckes, pasi ka mposhtur Dortmund dhe ka siguruar vendin e parë. Kjo ishte fitorja e katër radhazi për bavarezët dhe që ka bërë që ata të fillojnë shkëputjen. Ka qenë një ndeshje mjaft e bukur dhe e luftuar shumë fort, me raste të shumta dhe ka përfunduar në 1-3.
Golin e parë pas shumë rasteve të shpërdoruar nga të dyja ekipet e ka gjetur holandezi Robben, i cili shënon një gol mjaft të bukur pas asistimit të James Rodrigues. Më pas është Lewandowski që dyfishon rezultatin me një gol me thembër që shuan shpresat që në pjesën e parë. Pjesa e dytë prodhon shumë raste e spektakël të shpërdoruara nga Aubumeyang, Kagawa dhe Yarmolenko. Goli i tretë vjen nga Alaba që kroson një top për sulmuesin polak, por që nuk devijohet nga askush dhe përfundon në rrjetë. Dy minuta para fundit është Bartra që shkurton rezultatin në 1-3 me një gol spektakolarë, por që vlen vetëm për statistikë.
Me këtë fitore bavarezët marrin vendin e parë me 26 pikë, katër më shumë se vendi i dytë që mbahet nga Leipzig. Ndërsa Dortmund mbetet i treti me 20 pikë dhe zhytet në një krizë akoma më të thellë.
