Dortmund është rikthyer, pasi në dy ndeshjet e fundit me trajnerin e ri në stol kanë arritur të marrin dy fitore. Stoger duket se ka gjetur harmoninë e ekipit dhe frytet po jepen në fushë. Përballë Hoffenheim-it ishte një fitore mjaft e vështirë pasi erdhi me përmbysje, për miqtë kishte shënuar Uth që në pjesën e parë. Ndërsa golin e tij e bënë të pavlefshëm Aubumeyang nga pika e bardhë e penalltisë dhe Pulisic, një minutë para përfundimit të ndeshjes. Kjo fitore e ka kthyer Dortmundin në vendin e tretë.
Valencia e ka mjaft të vështirë të fitojë në transfertë. Këtë herë ishte Eibar që i mposhti me rezultatin 2-1. Eibar është duke kaluar një formë mjaft të mirë, pasi në 5 ndeshjet e fundit ka marrë 4 fitore një barazim dhe është duke i ngjitur shumë shpejt shkallët e renditjes. Valencia pa lojtarë të tillë në formacionin titullar si Zaza, Murillo, Garay e Guedes, e kishte shumë të vështirë përballë Eibarit që zhbllokoi shifrat me japonezin Inui në minutën e 49-të. Santi Mina, barazoi rezultatin pas vetëm 8 minutash por në të 87-tën Jordan realizoi golin e fitores për vendasit, me Eibarin që arriti një fitore të madhe përballë skuadrës së Marcelino Garcia Torral.
