Në konferencën e përbashkët për shtyp me homologun gjerman, Ministri i Jashtëm Ditmir Bushati, ka konfirmuar se qeveria është e hapur për dialog me opozitën, ndërsa ka dhënë detaje për tre ofertat që janë në tryezë nga ana e kryeministrit Rama, drejtuar liderit të PD, Lulzim Basha.
“Ka një ofertë nga Rama dhe qeveria drejtuar opozitës, në lidhje me ato çështje që konsiderohen të përbashkëta, që korrespondojmë me axhendën e integrimit.
Ka një ofertë në tavolinë për të mbështetur procesin e Vettingut në gjithë trupën e gjyqësorit dhe prokurorisë, sikundër edhe ju e keni bërë me dije, që kërkohen disa numra të caktuar për procesin e Vettingut, që Reforma në Drejtësi të tejkalojë politikën.
Ka në ofertë në tavolinë për përfundimin e Reformës Zgjedhore, duke qenë se hyjmë në zgjedhjet vendore dhe ka vullnet dhe dashamirësi, edhe nga qeveria gjermane, për ta mbështetur procesin me ekspertizë, përpos rolit të ODIHR.
Si dhe ka një ofertë të qartë në tavolinë për opozitën, për një strategji afatgjatë, se si do të shërohet nga plagët nga sistemi i drejtësisë, për shkollën e magjistraturës. Dialogu dhe thirrja për bashkëpunim nuk do të mungojnë, jemi të vendosur për të vijuar me procesin e reformave”, u shpreh Bushati.
