Pas dy ngjarjeve të rëndësishme në vend si ishte dje dorëzimi i mandatit prej Saimir Tahirit dhe sot arrestimit të Arbër Çekajt si porositësi i 613 kg kokainë që u sekuestrua në Maminas, ka reaguar dhe kryeministri Edi Rama.
Përmes një statusi në ‘Facebook’ Rama iu kundërpërgjigjet opozitës duke ndjerë keqardhje për ndjekësit e dy forcave politike opozitare.
Rama deklaron se do ta bëjë Shqipërinë do apo nuk do opozita. Ai thotë që do të ketë arrestime të tjera në javët që vijnë. Rama deklaroi se forca e tij politike mban fjalën e dhënë.
Statusi i plotë i Edi Ramës
Ç’është kjo opozitë pikë e vrer pas largimit të ST e arrestimit të kokave të trafikut të kokainës në Gjermani&Spanjë falë bashkëpunimit tonë ndërkombëtar? Sa gjynah më vjen për ata që ende u besojnë këtyre vulëhumburve pa atdhe. Po duan s’duan këta Shqipërinë do ta bëjmë.
Dhe nuk ka mbaruar jo, të tjera do pasojnë në javët që vijnë e jo se e kërkon Gjermania a bota,po se ne themi atë që bëjmë e bëjmë atë që themi!E jemi ne e askush tjetër që mund ta kalojë detin që ndan të thënat nga të bërat,sado baltë të na hedhin dhe zjarre marazi të ndezin
