Nëse nuk ndiheni mirë me trupin tuaj dhe doni të dobësoheni patjetër, atëherë ka ardhur koha që të ndryshoni mënyrën se si ushqeheni.
Kështu, mjafton të ndiqni disa këshilla dhe me kalimin e kohës do vërini se si trup juaj po humbet peshë.
Janë disa “hile” që duhet t’i dini patjetër, nëse nuk keni kohë për palestër. Niseni këtë mision me ndryshimin e mënyrës se si ushqeheni dhe do shikoni ndryshimin që keni dëshiruar prej kohësh.
Buka – Zëvendësoni bukën me biskota, ose me bukë të zezë. Mundohuni të mos konsumoni shumë bukë.
Pijet me gaz – Reduktojini pijet me gaz sa më shumë që të mundeni, pasi përmbajnë shumë sheqer.
Pijet alkoolike – Nëse nuk mund të hiqni dorë tërësisht prej tyre, të paktën konsumoni verë sepse është e shëndetshme për ju. Sigurisht, mos e teproni me sasinë.
Ëmbëlsirat – Mos hiqni dorë plotësisht prej tyre, por të paktën mundohuni të konsumoni ëmbëlsira me pak kalori.
Lëngjet e frutave – Lini mënjanë lëngjet artificiale dhe pini lëngje të shtrydhura frutash.
Kafeja – zëvendësoni kafenë e zezë me kafenë e gjelbër. Kjo e fundit ka përfitime të shumta, por gjëja më e mirë është se djeg yndyrën. Mbase shija nuk do ju pëlqejë, por do mësoheni me kalimin e kohës.
Mëngjesi – Është vakti ynë më i rëndësishëm, prandaj mos e lini kurrë pa ngrënë. Konsumimi i mëngjesit ju pengon të shtoni peshë.
Çokollata – Nuk ju themi të hiqni dorë nga çokollatat, sepse është e pamundur. Veç kësaj, çokollata ka të mirat e saj, prandaj ajo që ju sugjerojmë është që të hani çokollatë të zezë.
Frutat – Janë shumë të mira për dietën tuaj, megjithatë shmangni ato fruta që kanë shumë kalori.
