Një ditë pas dorëzimit të mandatit të deputetit nga ana e ish-ministrit të Brendshëm Saimir Tahiri, ka reaguar edhe ambasadori amerikan Donald Lu. Ky i fundit ishte një ndër të shigjetuarit nga ana e Tahirit në konferencën e djeshme. Lu u tregu krejt i qetë kur theksoi se tashmë Tahiri do të përballet me drejtësinë si qytetar i thjeshtë.
Lu foli edhe emra kur tha se shumë politikanë nuk janë më pjesë e jetës publike, kur tha se Fran Frrokaj dhe Elvis Roshi janë duke u gjykuar.
“Shqipëria ka mbështetur kapjen e një peshku të madh, Met Kanani që u kap në Turqi. Dy urdhër arreste janë lëshuar edhe për dy peshq te tjere. Peshqit e mëdhenj, Klement Balili dhe Arbër Çekaj, duhet të kapen. Fran Frrokaj dhe Roshi po ndiqen penalisht, hetimet po vazhdojnë ndaj Tahirit dhe Llallës, askush nuk është mbi ligjin. Mirëpresim faktin që zoti Tahiri do përballet me drejtësinë si qytetar i zakonshëm pa imunitet. Duhet të ndihmoni publikun të kuptojnë pse këta persona janë kaq të rrezikshëm”, tha ambasadori amerikan.
Fjala e plotë:
Kur e thashë këtë e dija se kishte njerëz skeptikë të cilët thanë se shoqëria civile është e dobët dhe punon vetëm për interesa të veta. Thanë se shoqëria civile është blerë nga socialistwt, demokratwt, apo LSI. Unë mendoj ndryshe. Mund të shoh se shoqwria civile ka arritur fitore të jashtëzakonshme në 3 vitet e fundit.
Gazetarë të guximshëm ishin të gatshëm të shkruanin për Arben Ndokwn, Roshin, Aqif Rakipin, Shukri Xhelilin, falë këtyre gazetarwve këta politikanë s’janë më në Kuvend apo bashki.
Kur reforma në drejtësi, mbaj mend që mësues, fëmije, prindër, u mblodhën në 21 korrik 2016, në piskun e vapës për të kërkuar që përfaqësuesit e tyre ta miratonin këtë reformë.
Sot OJQ po vazhdojnë Vettingun në krijimin e KLGJ, SPAK etj. Në vitet e shkuara OJQ shqiptare luajtën një rol të rëndësishëm në monitorimin e zgjedhjeve dhe të marrëveshjes së 18 majit që sollën kaq ndryshime të ndërlikuara në javët e para zgjedhjeve.
Por nuk duhet të bëheni dembelë, ka ende shumë për tu bërë, prandaj kemi punuar për të ndihmuar organizatat vendase të bëhen më të pavarura financiarisht dhe më të suksesshme.
Sfida kryesore sot, do isha i lumtur nëse shoqëria civile na bashkohet ne thirrjet për arrestim të peshqve të mëdhenj kriminelë.
Shqipëria ka mbështetur kapjen e një peshku të madh, Met Kanani që u kap në Turqi. Dy urdhër arreste janë lëshuar edhe për dy peshq te tjere. Klement Balili dhe Arbër Çekaj.
Ata duhet të kapen. Fran Frrokaj dhe Roshi po ndiqen penalisht, hetimet po vazhdojnë ndaj Tahirit dhe Llallës, askush nuk është mbi ligjin. Mirëpresim faktin që zoti Tahiri do përballet me drejtësinë si qytetar i zakonshëm pa imunitet. Duhet të ndihmoni publikun të kuptojnë pse këta persona janë kaq të rrezikshëm.
