Lewis Hamilton, kampioni në fuqi i Formula 1, ka dominuar totalisht garën e dytë të këtij sezoni, e cila u zhvillua sërish në Austri.
Britaniku mori “pole position” të shtunën, në provat të cilat u dominuan nga shiu, ndërsa në garën e së dielës, 35-vjeçari nuk pati kundërshtar, duke siguruar fitoren e 85-të në karrierën e tij brilante në F1.
Ndërkohë, fituesi i garës së parë të këtij sezoni, piloti tjetër i Mercedes, Bottas, arriti i dyti në finish, ndërsa podiumi u plotësua nga Max Verstappen, shkruan “A2”.
Një zhgënjim total ishin dy pilotët e Ferrarit në këtë garë, të cilët u përplasën të dy që në fillim, duke e mbyllur këtë garë ende pa nisur.
