Monedha evropiane e ka nisur pozitivisht javën krahasuar me periudhën e 1-6 qershorit duke u blerë këtë të hënë me 123.8 lekë dhe duke u shitur me 124.4 lekë.
Ndërkaq Dollari amerikan ka fituar gati 1 pikë gjatë fundjavës duke u blerë këtë fillim jave me 109.7 lekë dhe duke u shitur me 110.5 lekë, sipas kursit të këmbimit lokal.
Referuar tregut valutor vendas Paundi britanik ka regjistruar rritjen më të fortë prej 1.6 pikë nga java e kaluar duke u blerë sot me 138.3 lekë dhe duke u shitur me 139.6 lekë.
Franga zvicerane ka mbetur në të njëjtat vlera sikurse një javë më parë pasi është blerë sot me 113 lekë dhe është shitur me 114.3 lekë. /SCAN
