Gjykata e Strasburgut ka hedhur poshtë duke e quajtur të paligjshëm veprimin e qeverisë Rama për shkatërrimin e pallatit në Vlorë. Gjykata ka vendosur në mënyrë unanime, ndërsa thekson se më këtë veprim qeveria shqiptare ka shkelur dhe dhunuar të drejtat e njeriut.
Tashmë gjykata ka vendosur që qeverisë shqiptare të paguajë 13 milionë euro dëmshpërblim ndaj pronarëve të kompleksit në Vlorë, pasi sipas gjykatës pretendimet e pronarëve janë tërësisht të bazuara në ligj, pasi u është dhunuar një pronë, e cila rezulton e pajisur me dokumente të rregullta.
Qeveria shqiptare është e detyruar që të japë jo 11, 6 milionë euro, por kjo shumë është 13 milionë . Pallati në Vlorë është shembur me justifikimin e rehabilitimit të shëtitores së Lungomares, por tashmë pronarët do të kompensohen për dëmin e shkaktuar nga qeveria. Prishja e pallatit ka ndodhur më datë 4 dhjetor 2013. Pallati është në emër të Xhafer Isufi, vjehrri i kreut të opozitës, Lulzim Basha.
Padia e Isufit dhe 18 personave të tjerë që kishin blerë hyrjet në këtë pallat, janë mbështetur nga gjykata duke shpallur fajtor qeverinë Rama, ndërsa tashmë kompensimi është i pashmangshëm. Gjykata thotë së shteti shqiptar ka shkelur disa nene të Konventës Evropiane të të Drejtave të Njeriut, ndërsa si afat përfundimtar për shlyerjen e dëmit i është caktuar vetëm 3 muaj për 19 paditësit.
Paditësit nuk ishin dakord për shumën e dëmshpërblimit nga shtetit, por ata apeluan në Strasburg ku tashmë ata do të marrin për 3 muaj paratë e dëmshpërblimit. TIRANA TODAY
