Sipërfaqet e betonizuar në Shqipëri sa vijnë dhe shtohen. Rast më i fundit që përligj situatën e betonizimit, është vendimi i Këshillit të Ministrave që mban datën e sotme, ku një pjesë e tokave me status bujqësor tani do të kenë statusin e ri dhe do të trajtohen si “tokë urbane” në qarkun e Durrësit.
Betonizimi i qytetit të Durrësit, është një fakt i cili tregon se dita ditës ky qytet do të ketë më pak hapësirë të lirë, ndërsa tani janë edhe 50, 300 metra katror që do të ndryshojnë statusin e tyre dhe do të jenë nën trajtimin si toka urbane. Fshati Shetaj, njësia administrative Ishëm, Bashkia Durrës, do të jetë pjesë e ndryshimit të statusit dhe tashmë Shqipëria do të ketë më pak tokë bujqësore.
Sipas këtij projekti bulevardi me palma do të jete i mbyllur nga trafiku, njerëzit mund të arrijnë nga qendra e qytetit në shëtitoren përgjatë bregdetit pa kaluar rrugën e makinave, por ka patur reagime të shumta nga aktorë të shoqërisë civile të cilët kanë kritikuar vendimin për sheshin “Valeria”. Ajo cfarë mund të interpretohet është se tashmë shqiptarët do të kenë më pak tokë bujqësore në shfrytëzim, pasi qeveria Rama ka ndryshuar me VKM statusin e tyre.
Kreu i bashkisë së Durrësit etiketohet si personi që “betonizoi” qytetin përmes lejeve të dhëna, ndërsa tashmë me vendimin e ri ai do të ketë më shumë tokë në dispozicion, çka mund të shtojë dyshimin se pas këtij vendimi mund të “lindin” pallate të reja me.
Vendimi i Këshillit të Ministrave
MIRATIMIN E NDRYSHIMIT TË STATUSIT NGA KATEGORIA “TOKË BUJQËSORE” NË “TOKË URBANE”, TRUALL, TË PASURIVE ME NUMRAT 29/6, 29/7, 29/8, 29/9, 29/10, 29/11, 29/12, 29/13, 29/14, 29/15, 29/16, 29/17, 29/18, 29/19 DHE 35/32, ZONA KADASTRALE 3365, FSHATI SHETAJ, NJËSIA ADMINISTRATIVE ISHËM, BASHKIA DURRËS
Në mbështetje të nenit 100 të Kushtetutës dhe të shkronjës “a”, të pikës 3, të nenit 11/1, të ligjit nr.8752, datë 26.3.2001, “Për krijimin dhe funksionimin e strukturave për administrimin dhe mbrojtjen e tokës”, të ndryshuar, me propozimin e ministrit të Turizmit dhe Mjedisit, Këshilli i Ministrave
V E N D O S I:
1)Miratimin e ndryshimit të statusit nga kategoria “tokë bujqësore” në “tokë urbane”, truall, të pasurive me numrat 29/6, 29/7, 29/8, 29/9, 29/10, 29/11, 29/12, 29/13, 29/14, 29/15, 29/16, 29/17, 29/18, 29/19 dhe 35/32, me sipërfaqe totale prej 50 300 (pesëdhjetë mijë e treqind) m2, zona kadastrale 3365, fshati Shetaj, njësia administrative Ishëm, Bashkia Durrës, sipas certifikatave të pasurisë dhe hartave treguese, bashkëlidhur këtij vendimi.
2)Me hyrjen në fuqi të këtij vendimi, Drejtoria e Administrimit dhe e Mbrojtjes së Tokës, Qarku Durrës, të pasqyrojë në dokumentacionin kadastral përkatës ndryshimin nga “tokë bujqësore” në “tokë urbane”, truall, të pasurive me numrat 29/6, 29/7, 29/8, 29/9, 29/10, 29/11, 29/12, 29/13, 29/14, 29/15, 29/16, 29/17, 29/18, 29/19 dhe 35/32, me sipërfaqe totale prej 50 300 (pesëdhjetë mijë e treqind) m2, zona kadastrale 3365, fshati Shetaj, njësia administrative Ishëm, Bashkia Durrës.
3)Zyra Vendore e Regjistrimit të Pasurive të Paluajtshme Durrës të bëjë ndryshimin e llojit të pasurive në certifikatat e pasurive, sipas të dhënave për pasurinë e përcaktuar në pikën 1, të këtij vendimi.
Ngarkohen Ministria e Turizmit dhe Mjedisit, Ministria e Bujqësisë dhe Zhvillimit Rural, Këshilli i Qarkut Durrës dhe Zyra Vendore e Regjistrimit të Pasurive të Paluajtshme Durrës për zbatimin e këtij vendimi.
Ky vendim hyn në fuqi pas botimit në “Fletoren zyrtare”. TIRANA TODAY
