Ministrja e Arsimit, Besa Shahini, ka vendosur të shtyjë zgjedhjet në Universitetet Publike. Pas debateve e letrave të hapura, Shahini ka marrë vendimin që të shtyjë datën e zgjedhjeve në universitete, deri në një afat të pacaktuar, për shkak të gjendjes së fatkeqësisë natyrore.
Me anë të një dokumenti, citohet fakti se data e zgjedhjeve për organet drejtuese të IAL-ve shtyhet deri në një moment të dytë, kur mund të sigurohet pjesëmarrje më gjithëpërfshirëse e studentëve.
Reagimi i Ministres:
Data e zgjedhjeve për organet drejtuese të IAL-ve shtyhet deri në një moment të dytë, kur mund të sigurohet pjesëmarrje më gjithëpërfshirëse e studentëve.
Procesi përgatitor i zgjedhjeve duhet të vazhdojë në mënyrë që IAL-të të jenë gati të fillojnë fushatën zgjedhore menjëherë pas shpalljes së datës.
Shpresoj që ky urdhër të mundësojë kthimin e vëmendjes së udhëheqësve të arsimit të lartë publik tek planifikimi i mbylljes së suksesshme të vitit akademik për studentët.
