Lulzim Berisha mori një ditë më parë një formular ku duhej të deklaronte burimin e pasurisë, kjo në kuadër të Operacionit Forca e Ligjit. Në të kundërt, policia zotohej se do t’ja sekuestronte.
Por ndryshe nga çfarë pretendohej, situata ka marrë një tjetër drejtim, pasi Lulzim Berisha nuk ka asnjë pronë në emër të tij. Kështu rezulton në një vërtetim që Kadastra e Durrësit i ka dorëzuar atij, pasi policia i kërkoi që të tregonte burimin e pasurisë.
Duke iu referuar dokumentit në fjalë, asnjë pronë e patundshme nuk rezulton në emër të Lulzim Berishës, dhe siç deklaroi edhe dje avokati i tij, ai nuk ka se çfarë të deklaronte.
Operacioni Forca e Ligjit i dërgoi dje një formular për deklarimin e pasurisë Berishës brenda 48 orëve, ndërkohë që dorëzimi është bërë brenda 24 orëve.
Sipas deklaratës, me një vërtetim nga Agjencia Shtetërore e Kadastrës, figuron që Lulzim Berisha nuk ka asnjë pronë të regjistruar pranë kësaj zyre.
