Gentjan Pjetri, i njohur si “Doktori i Fiksit” ka ndarë me publikun detaje nga jeta personale, përfshirë edhe divorcin me ish-gruan e tij, që mesa duket nuk ka qenë një ndarje e lehtë.
I ftuar në emisionin “Glamour Zone”, ai tha se si pasojë e divorcit, ish-gruaja i ka marrë edhe shtëpinë.
“Ndahesh minimalisht me llafe, do bësh sherr. Do hapet një gjyq. Dikush do të humbë. Në këtë rast humba unë, se shtëpinë e ka ajo, se kam unë”.
I pyetur nëse shkak i divorcit ishte tradhëtia, ai u përgjigj: “Tradhëti jo, flirt po dhe i kërkoj ndjesë. Për atë flirt bëri namin dhe u dogja unë”.
Ai tha se tani është në një lidhje të re. Pjetri ka rrëfyer dhe një periudhë të errët të jetës së tij, varësinë ndaj alkoolit:
“Ka probleme në punë. Trysninë e kam pasur gjithmonë problem. Jam fëmijë i vetëm, pa motër dhe vëlla, gjithmonë kërkoja mbështetje. Kur të thyhet zemra.
U bashkova me armiqtë e mi, u bëra armik i vetes. Pata probleme me alkoolin. Nuk është zgjidhje. E pija atë dreq alkooli. Nuk merrem më me atë lloj sporti, sport i vështirë për mua. Tani njëherë në javë e do njeriu, e do shpirti”.
