Këngëtarja Jonida Maliqi ka ndarë me publikun momentet pikante dhe peripecitë në Eurovizion. E ftuar në emisionin ‘Trokit’, ajo rrëfeu se ishte gati të hiqte dorë nga konkurrimi, dhe të nisej për në Shqipëri. Jonida tha ndër të tjera se në provat e para, ajo i kishte humbur shpresat, por çdo gjë mori një rrjedhë tjetër në kohë reale.
“Në provat e para skena ishte skandaloze, në një terr të plotë dhe vetëm pak drita të vogla. Mendova që të merrja avionin dhe të largohesha. Në fakt të gjithë ne si staf, menduam ashtu. Edhe në një intervistë për ‘WiwiBloggs’ isha duke qarë, dhe nuk isha aspak në terezi, doja vetëm të ikja sepse e pashë që ishte e vështirë”, rrëfeu këngëtarja.
“Por për pak orë çdo gjë ndryshoi, dhe ne e vazhduam sfidën”, përfundoi Jonida në studion e ‘Trokit’.
