Nëse keni ndërmend të udhëtoni në një nga vendet e zonës Schengen, atëherë para se të planifikoni udhëtimin, verifikoni vlefshmërinë e pasaportës.
Ministria e Brendshme apelon që të keni parasysh se në 90 ditët e fundit të vlefshmërisë së pasaportës biometrike, nuk mund të udhëtoni në vendet e zonës Schengen.
“Nëse jeni duke menduar për t’i kaluar jashtë vendit pushimet verore, kontrolloni datën e vlefshmërisë së pasaportës biometrike! Mbani parasysh që në 90 ditët e fundit të vlefshmërisë, nuk mund të udhëtoni në vendet e zonës Shengen. Mos e lini për ditët e fundit rinovimin e dokumentit të udhëtimit, por aplikoni më herët!”, shkruhet në njoftimin e MB-së.
