Rama e ka nisur ditën me një paralajmërim për të gjithë ata që janë përfshirë në lejimin dhe shfrytëzimin e guroreve në Malin e Tomorrit.
Kryeministri fajëson për këtë fakt gjykatësit e korruptuar, që me vendimet e tyre kanë lejuar të shfrytëzohet një zonë e tillë.
Kreu i qeverisë paralajmëron se ‘Mali i Mrekullueshëm’ do t’i zmbrapsë barbarët e pangopur.
Statusi
“MIRËMËNGJES
dhe këtë Ditë të Pelegrinëve, me këto pamje magjike nga Mali i Tomorrit, që është kthyer në sheshbetejën mes interesit kombëtar të mbrojtjes së tij nga shfrytëzimi i guroreve dhe gjykatësve të korruptuar, të cilët u japin të drejtë shfrytëzuesve për interesa të pista, i bindur që Mali i Mrekullueshëm do t’i zmbrapsë barbarët e pangopur, ju uroj një ditë të mbarë”, shkruan ai.
