Kreu i opozitës venezueliane, Juan Guaido deklaroi ditën e sotme se kishte marrë mbështetjen e një grupi të ushtarësh të guximshëm në një video të regjistruar në një bazë të forcave ajrore në Karakas duke e transmetuar në mediat sociale, shkruan AFP.
Guaido i mbështetur nga SHBA pohoi se trupat i kishin kushtuar muaj të tërë nxitje për t’u bashkuar me fushatën e tij për të rrëzuar Maduron.
“Tani është momenti. Do të sjellim lirinë dhe demokracinë për Venezuelën”, dëgjohet në fjalimin e tij Juan Guaido.
“Sot ushtarët trima, patriotë të guximshëm, burra të guximshëm që mbështesin kushtetutën, i janë përgjigjur thirrjes tonë”, tha ai duke paralajmëruar një grusht shteti.
Ndërkohë, ministri i Komunikimit, Jorge Rodriguez në një postim në “Twitter” thotë se një grup i pabesë ushtarësh janë bërë njësh me Guaidon.
“Sipas the Guardian trupat e armatosura janë në rrugë për të çliruar vendin dhe pritet që se shpejti të ketë informacione të reja. Ne jemi duke u përballur dhe deaktivizuar një grup të vogël ushtarakësh të pabesë që po promovojnë një grusht shteti.
“Ne i bëjmë thirrje popullit të mbetet në gatishmëri maksimale për të mposhtur përpjekjen e grushtit të shtetit dhe të ruajë paqen”, tha ministri i komunikimit Jorge Rodriguez.
