Rreth 500 refugjatë, kryesisht familjarë me gra dhe fëmijë, kanë mbërritur ditën e sotme në kampin ushatarak Dhiavata, afër Selanikut.
Sipas policisë greke, refugjatët janë drejtuar drejt kampit pas lajmeve false që kanë shpërndarë në internet se do të hapen kufijtë në pikën kufitare Idomeni.
Pasditen e sotme, autoritetet vendase u përpoqën të largojnë refugjatët, të kthehen në kampet apo zonat ku janë vendosur.
Mësohet se ata nuk janë bindur, duke qëlluar qëlluar policët me gurë, ndërsa ka pasur përleshje dhe incidente të vogla.
Përgjegjësi për ministrinë e Emigracionit, Nikos Ragos deklaroi se policia ndodhet në zonë për të bindur refugjatët të kthehen në zonën ku qëndrojnë vazhdimisht në Greqi, pasi nuk ka ndryshuar situata me kufijtë dhe se askush nuk do lejohet të kalojë në Idomeni.
