AAIB (Dega e Hetimeve të Aksidenteve Ajrore) ka njoftuar edhe zyrtarisht se kanë gjetur rrënojat e aeroplanit të zhdukur ku në bord ishin Emiliano Sala dhe piloti David Ibbotson.
Gjithashtu ata kanë konfirmuar se nën rrënoja është edhe një trup, por nuk kanë konfirmuar nëse është lojtari apo piloti.
View this post on Instagram
Pas gjetjes së aeroplanit motra e Sala, Romina, ka postuar në Instagram një fotografi nga vendi ku besohet se janë gjetur mbetjet e aeroplanit, imazhi është përcjell me përshkimin: “Do të dua përgjithmonë”.
Pse është befasuar hetuesi kryesor i kërkimit dhe çfarë do të ndodhë pastaj?
Hetuesi kryesor i hetimit privat, David Mearns, ka treguar se mbetjet janë gjetur në mëngjesin e së dielës, ndërsa është ndjerë i befasuar kur ka parë se shumica e trupit të aeroplanit është pothuajse në një vend.
— David Mearns OAM (@davidlmearns) February 2, 2019
“Mbetjet janë gjetur rreth orës 9 të mëngjesit të së dielës. Ata kanë parë numrin e regjistrimit. Befasia më e madhe është se pjesa më e madhe e aeroplanit ishte aty. Ne ishim duke pritur t’i gjenim pjesët e ndara në një fushë të madhe. Hapat tjerë i takojnë AAIB-së. Ata kanë kontraktuar anijen e shpëtimit”.
Çfarë do të ndodh më pas?
– Të martën do të tentohet të merren pjesët aeroplanit, të cilat raportohet se ishin në 63 metra thellësi në det.
– AAIB pritet të jep detaje tjera nëpërmjet një deklarate, por ata janë në kontakt të vazhdueshëm me familjet dhe policinë.
– Me 21 shkurt AAIB ka planifikuar të dal me një raport të kompletuar, një muaj që nga zhdukja e aeroplanit nga radari, teksa po udhëtonte nga Nantes (Francë) – Cardiff (Uells).
