Pas vendimit të Qeverisë së Kosovës për rritjen e taksës 100% për mallrat nga Serbia dhe Bosnja e Hercegovina, mjaft tensione janë parë nga pala serbe. Bëhet me dije se është kërcënuar ministri Endrit Shala.
Ministri i Tregtisë dhe Industrisë, Endrit Shala, është kërcënuar me jetë në llogarinë e tij zyrtare në “Facebook”. Një serb shkruan se ministrin Shala “do ta therin si lepurin”.
“Këtë do të ta bëjmë shqiptar, së shpejti do të të therim si lepurin”, shkruan ai, duke paraqitur edhe ikonën e thikave.
Mediat raportojnë se edhe në celularin personal të ministrit, ditëve të fundit kanë mbërritur kërcënime edhe më të rënda se ato në rrjetet sociale.
Në këto mesazhe është kërcënuar edhe familja e Shalës.
