Një ngjarje e rëndë ka ndodhur në burgun e Trikalas në Greqi, ku një i dënuar shqiptar ka vrarë një shtetas grek, i cili po ashtu vuante dënimin në këtë burg.
Krimi i rëndë ka ndodhur pas një sherri mes dy të burgosurve, ku shqiptari e ka goditur të dënuarin tjetër duke e rrëzuar në tokë. Shqiptari, identiteti i të cilit nuk dihet ende, është 55 vjeç, ndërsa viktima është një 66-vjeçar.
Shqiptari është dënuar me 8 muaj burg për hyrje të paligjshme në Greqi, ndërsa viktima ishte duke vuajtur dënimin me 12 muaj për drogë.
Autori dhe viktimat janë mbajtur për rreth një javë në të njëjtën zonë, dhe ishin nën mbikëqyrje të vazhdueshme nga autoritetet e burgut. Të dy të dënuarit do të liroheshin shumë shpejt.
